പങ്ക് വെക്കാം

ഇലക്ട്രോണിക് പ്രോജക്ടുകൾ നിർമ്മിക്കാനുള്ള തുറന്ന ഉറവിട പ്ലാറ്റ്ഫോമാണ് (Open Source) ആർഡ്വിനോ. ആർഡ്വിനോയിൽ ഫിസിക്കൽ പ്രോഗ്രാമബിൾ സർക്യൂട്ട് ബോർഡ് (പലപ്പോഴും മൈക്രോകൺട്രോളർ എന്നും അറിയപ്പെടുന്നു), ഒരു കംപ്യുട്ടർ സോഫ്റ്റ്വെയർ അല്ലെങ്കിൽ നിങ്ങളുടെ കമ്പ്യൂട്ടറിൽ പ്രവർത്തിപ്പിക്കുന്ന IDE (ഇന്റഗ്രേറ്റഡ് ഡെവലപ്മെന്റ് എൻവയോൺമെന്റ്) എന്നിവ ഉൾപ്പെടുന്നു.

ഇലക്ട്രോണിക്സ് ഉപയോഗിച്ച് തുടങ്ങുന്ന ആളുകളുമായി ആർഡ്വിനോ പ്ലാറ്റ്ഫോം വളരെ പ്രചാരത്തിലുണ്ട്. പഴയ പ്രോഗ്രാമിങ് സർക്യൂട്ട് ബോർഡുകളിൽ നിന്ന് വ്യത്യസ്തമായി, ആർഡ്വിനോ ബോര്‍ഡിലെ മൈക്രോകണ്‍ട്രോളറിലേക്ക് പുതിയ പ്രോഗ്രാം ലോഡ് ചെയ്യാൻ ഒരു പ്രത്യേക ഹാർഡ് വെയര്‍ (പ്രോഗ്രാമർ എന്ന വിളിക്കുന്നു) ആവശ്യമില്ല – നിങ്ങൾക്ക് ഒരു യുഎസ്ബി കേബിൾ ഉപയോഗിക്കാം. കൂടാതെ, ആർഡ്വിനോ IDE സി++ ന്‍റ ലളിതമായ ഒരു സോഫ്റ്റ്‌വെയര്‍ പതിപ്പു് ഉപയോഗിയ്ക്കുന്നു. അവസാനമായി, ആർഡ്വിനോ മൈക്രോകണ്‍ട്രോളറിന്‍റെ പ്രവർത്തനങ്ങളെ കൂടുതൽ ആക്സസ് ചെയ്യാവുന്ന പാക്കേജായി വേർതിരിക്കുന്ന ഒരു സാധാരണ ഫോം ഫാക്ടർ (രൂപകല്‍പ്പന) നൽകുന്നു.

ഇതൊരു ആർഡ്വിനോ യുനോ ബോര്‍ഡാണ്

ആർഡ്വിനോ കുടുംബത്തിലെ ഏറ്റവും ജനപ്രിയ ബോർഡുകളിൽ ഒന്നാണ് യുനോ. തുടക്കക്കാർക്ക് ഈ ബോര്‍ഡാണ് നല്ലത്. അതിൽ ഉള്ളതിനെക്കുറിച്ചും, അത് എന്തുചെയ്യുമെന്നും പിന്നീട് ട്യൂട്ടോറിയലുകളില്‍ വിശദീകരിക്കാം.

ഇത് ആർഡ്വിനോ IDE യുടെ സ്ക്രീൻഷോട്ട് ആണ്.

ആർഡ്വിനോ ബോർഡില്‍ തന്നെയുള്ള എൽഇഡി ബ്ലിങ്ക് ചെയ്യേണ്ടതായ കോഡുകളുടെ 10 വരികളാണ് മുകളില്‍. കോഡ് ഇപ്പോൾ ശരിയായിരിക്കില്ലായിരിക്കാം, പക്ഷേ, ഈ ട്യൂട്ടോറിയൽ വായിച്ചതും കൂടാതെ നമ്മളുടെ ഈ സൈറ്റിൽ നിങ്ങൾക്കായി ഒരുക്കിയ മറ്റു ആർഡ്വിനോ ട്യൂട്ടോറിയലുകളും നിങ്ങളെ ഒരു ആർഡ്വിനോ വിദഗ്ദ്ധനാക്കിയെക്കം.

നിങ്ങള്‍ പഠിക്കാന്‍ പോകുന്നത് 

  • ആർഡ്വിനോ ഉപയോഗിച്ച് ഏതൊക്കെ പ്രോജക്ടുകൾ സാധ്യമാകും
  • സാധാരണ ആർഡ്വിനോ ബോർഡില്‍ എന്തോക്കെയാണുള്ളത്, എന്തുകൊണ്ട്?
  • വ്യത്യസ്ത തരം ആർഡ്വിനോ ബോർഡുകള്‍.
  • ആർഡ്വിനോ ഉപയോഗിച്ചുള്ള ചില ഉപയോഗപ്രദമായ പ്രോജറ്റുകള്‍.

എല്ലാ കഴിവുള്ള ആളുകളെയും ആർഡ്വിനോ സഹായിക്കും. എന്നിരുന്നാലും, നിങ്ങൾക്ക് ഏതാനും അടിസ്ഥാന ഇലക്ട്രോണിക്സ് മനസിലാക്കിയാൽ നിങ്ങളുടെ ആർഡ്വിനോയ്ക്കൊപ്പം നിങ്ങള്‍ക്ക് അനായാസമായി പഠിക്കാനാവും. ആർഡ്വിനോയുടെ അത്ഭുതകരമായ ലോകത്തിലേക്ക് കടന്നുചെല്ലുന്നതിനുമുമ്പ് ഈ സങ്കൽപ്പങ്ങളെക്കുറിച്ച് നിങ്ങൾക്ക് കുറഞ്ഞപക്ഷം നല്ലൊരു ധാരണയുണ്ടാവണമെന്നു ഞങ്ങൾ നിർദ്ദേശിക്കുന്നു.

  • What is Electricity?(എന്താണ് വൈദ്യുതി)
  • Voltage, Current, Resistance, and Ohm’s Law (വോള്‍ട്ട് കറന്റ്‌ റെസിസ്റ്റ്ന്‍സ് , ഓഹ്മ്സ് നിയമം)
  • What is a Circuit? എന്താണ് സര്‍ക്ക്യൂട്ട്
  • Polarity (ദ്രുവങ്ങള്‍ അഥവാ പൊളാരിറ്റി)
  • Integrated Circuits (ICs) (ഇന്‍റെഗ്രേറ്റഡ് സര്‍ക്ക്യൂട്ട്)
  • Logic Levels (ലോജിക്കല്‍ ലെവല്‍)
  • Digital Logic (ഡിജിറ്റല്‍ ലോജിക്)
  • Analog vs. Digital(അനലോഗും ഡിജിറ്റലും തമ്മിലുള്ള വ്യത്യാസം)

ആർഡ്വിനോ ഹാർഡ് വെയറുകളും സോഫ്റ്റ് വെയറുകളും ആർട്ടിസ്റ്റുകൾ, ഡിസൈനർമാർ, ഹോബിയിസ്റ്റുകൾ, ഹാക്കർമാർ, എന്നിവയ്ക്കും, ഇന്ററാക്ടീവ് വസ്തുക്കൾ സൃഷ്ടിക്കുന്നതിൽ താൽപര്യമുള്ളവർക്കും വേണ്ടി രൂപകൽപ്പന ചെയ്തിട്ടുള്ളതാണ്. ആർഡ്വിനോ ബട്ടണുകൾ, എൽ.ഇ.ഡി കൾ, മോട്ടോറുകൾ, സ്പീക്കറുകൾ, ജിപിഎസ് യൂണിറ്റുകൾ, ക്യാമറകൾ, ഇന്റർനെറ്റ്, നിങ്ങളുടെ സ്മാർട്ഫോണുകൾ അല്ലെങ്കിൽ ടി.വി എന്നിവയുമായി സംവദിക്കുന്നു (ഇന്‍റെറാക്റ്റ് ചെയ്യുന്നു). ആർഡ്വിനോ സോഫ്റ്റ്‌വെയര്‍ സൗജന്യമായത്കൊണ്ടാണ് ഇത്രയും അവസരങ്ങള്‍ കിട്ടുന്നത്, ഹാര്‍ഡ്‌വെയര്‍ ബോർഡുകൾ വളരെ കുറഞ്ഞതുമാണ്. ഹാര്‍ഡ്‌വെയറും സോഫ്റ്റ്‌വെയറും മനസ്സിലാക്കാൻ വളരെ എളുപ്പവുമാണു്. ഒരു വലിയ കൂട്ടായ്മ കോഡും വിതരണ നിർദ്ദേശങ്ങളും സംഭാവന ചെയ്ത് മറ്റൊരു വലിയ സമൂഹത്തിന് ആർഡ്വിനോ അധിഷ്ഠിത സംരംഭങ്ങൾക്ക് ഇത്  വഴിയൊരുക്കുന്നു. 

 alt text
ഓരോ ആർഡ്വിനോ ബോർഡിനും വൈദ്യുതി ഉറവിടവുമായി ബന്ധിപ്പിക്കാനുള്ള ഒരു വഴി ആവശ്യമാണ്. ആർഡ്വിനോ യുനോ ബോര്‍ഡിന് നിങ്ങളുടെ കമ്പ്യൂട്ടറിൽ നിന്ന് വരുന്ന യുഎസ്ബി കേബിളിൽ നിന്നോ ഡിസി ബാരൽ ജാക്കിൽ അവസാനിപ്പിക്കുന്ന പവർ സപ്ലൈയിൽ നിന്നോ ലഭിക്കുന്ന വൈദ്യുതി മതിയാകും. USB കണക്ഷൻ മുകളിലെ ചിത്രത്തിൽ ലേബൽ (1), ബാരൽ ജാക്ക് ലേബൽ ചെയ്തു (2).
ശ്രദ്ധിക്കുക: മിക്ക ആർഡ്വിനോ മോഡലുകളുടെയും ശുപാർശയിലുള്ള വോൾട്ടേജ് 6 മുതൽ 12 വോൾട്ട് വരെയാണ്. എന്നിരുന്നാലും പെട്ടെന്നുള്ള 20 വോള്‍ട്ട് വരെ എതിർത്തു നിൽക്കും അതുകഴിഞ്ഞാല്‍ ആർഡ്വിനോ ബോര്‍ഡ് നശിച്ചുപോകും.

പിന്നുകള്‍  (5V, 3.3V, GND, അനലോഗ് (Analog), ഡിജിറ്റല്‍ (Digital), PWM, AREF)

ആർഡ്വിനോയിലെ പിന്നുകള്‍ വളരെ വേഗത്തില്‍ ഒരു സര്‍ക്ക്യുട്ട് ഉണ്ടാക്കാന്‍ കഴിയുന്ന രീതിയില്‍ ക്രമീകരിച്ചിട്ടുള്ളവയാണ്. സാധാരണയായി കറുത്ത പ്ലാസ്റ്റിക്ക് ‘ഹെഡ്ഡേർസ്’ (സോക്കറ്റുകള്‍) ഉണ്ടായിരിക്കും, അത് നിങ്ങൾ ബോർഡിൽ ശരിയായ രീതിയില്‍ വയറുകള്‍ പ്ലഗ് ചെയ്യാൻ സഹായിക്കും. ആർഡ്വിനോക്ക് പല തരത്തിലുള്ള പിന്നുകളുണ്ട്, അതിൽ ഓരോന്നിനും ബോർഡിൽ പേരുകള്‍ നല്‍കുകയും വിവിധ പ്രവർത്തനങ്ങൾക്കായി ഉപയോഗിക്കുകയും ചെയ്യുന്നു.

  • GND (3): ‘ഗ്രൗണ്ട്’ എന്നതിനായുള്ള ചുരുക്കപേരാണ് GND. ആർഡ്വിനോയിൽ നിരവധി ജിഎൻഡി (GND) പിന്നുകളുണ്ട്.  ഇവയിൽ ഏതെങ്കിലും നിങ്ങളുടെ സർക്യൂട്ട് ഗ്രൌണ്ട് ചെയ്യാന്‍ ഉപയോകിക്കാം.
  • 5V (4) & 3.3V (5): നിങ്ങൾക്ക് ഊഹിക്കാൻ കഴിയുന്നതുപോലെ, 5V പിൻ 5 വോൾട്ട് വൈദ്യുതി നൽകുന്നു, 3.3V പിൻ 3.3 വോൾട്ട് വൈദ്യുതി നൽകുന്നു. കൂടുതല്‍ ഉപകരണങ്ങളും 5vലും 3.3vലും വരുന്നത്കൊണ്ട് വളരെ ഈസിയായി ആർഡ്വിനോയുമായി ഘടിപ്പിക്കാം.
  • അനലോഗ് (6): ‘അനലോഗ് ഇൻ’ (‘Analog In’)ലേബലിന് കീഴിലുള്ള പിന്നുകളുടെ വിസ്തൃതി (UNO യില്‍ A0മുതല്‍  A5 വരെയുള്ള) അനലോഗ് പിന്നുകള്‍ ഉപയോഗിക്കുന്നു. ഈ പിന്നുകള്‍  ഒരു അനലോഗ് സെൻസറിൽ നിന്ന് (ഒരു താപനില സെൻസർ പോലെയുള്ളവയില്‍നിന്ന്) വിലകള്‍ സ്വീകരിക്കുകയും  അതിനെ മൈക്രോകണ്ട്രോളറിന് മനസ്സിലാകുന്ന, ഒരു ഡിജിറ്റൽ മൂല്യമായി  മാറ്റുകയും ചെയ്യുന്നു.
  • ഡിജിറ്റൽ (7): അനലോഗ് പിന്നുകള്‍ പോലെ ഡിജിറ്റൽ പിന്നുകളുമുണ്ട് (UNO  യില്‍ 0 മുതൽ 13 വരെ ). ഡിജിറ്റൽ ഇൻപുട്ട് (ഒരു ബട്ടൺ അമർത്തിയാൽ അത് സ്വീകരിക്കാന്‍), ഡിജിറ്റൽ ഔട്പുട്ട് (LED- പ്രകാശിക്കാനുള്ള വൈദ്യുതി തരുന്നു) എന്നിവയ്ക്ക് ഈ പിന്നുകള്‍ ഉപയോഗിക്കാനാകും.
  • PWM (8): കുറച്ച്  ഡിജിറ്റൽ പിന്നുകളുടെ  കൂടെ ~ എന്നടയാള പെടുത്തിയിരിക്കുന്നത് (UNO യിൽ 5, 6, 9, 10, 11) നിങ്ങൾ ശ്രദ്ധിച്ചിരിക്കാം. ഈ പിൻസ് സാധാരണ ഡിജിറ്റൽ പിൻ ആയി പ്രവർത്തിക്കും, എന്നാൽ പൾസ്-വിഡ്ത്ത് മോഡുലേഷൻ (PWM) എന്ന് വിളിക്കാവുന്നതിനും ഇവ യോഗിക്കാനാകും. PWM- ന്‍റെ  ഒരു ട്യൂട്ടോറിയൽ നമുക്കുണ്ട്, എന്നാൽ ഇപ്പോൾ, ഈ പിന്നുകള്‍  ഒരു അനലോഗ് ഔട്ട്പുട്ട് പിന്നുകളാണെന്നു  ചിന്തിക്കുക (ഒരു എൽഇഡി മങ്ങുന്നത് പോലെ).
  • AREF (9): അനലോഗ് റഫറൻസ് സൂചിപ്പിക്കുന്നു. മിക്കപ്പോഴും നിങ്ങൾക്ക് ഈ പിൻ ഉപയോകിക്കേണ്ടി വരില്ല. അനലോഗ് ഇൻപുട്ട് പിന്നുകള്‍ക്ക് ഉയർന്ന പരിധിയായി ഒരു ബാഹ്യ റെഫറൻസ് വോൾട്ടേജ് (0 മുതൽ 5 വോൾട്ട് വരെയുള്ളത്) സജ്ജമാക്കാൻ ഇത് ചിലപ്പോൾ ഉപയോഗിക്കുന്നു.
റീസെറ്റ് ബട്ടന്‍ :- ആർഡ്വിനോക്ക് ഒരു റീസെറ്റ് ബട്ടണുണ്ട്. ആർഡ്വിനോ ബോര്‍ഡില്‍ പ്രവര്‍ത്തിച്ചുകൊണ്ടിരിക്കുന്ന പ്രോഗ്രാം ആദ്യം മുതല്‍ തുടങ്ങാന്‍ ഈ ബട്ടണ്‍ സഹായിക്കുന്നു. ഈ ബട്ടന്‍ അമര്‍ത്തുമ്പോള്‍ റീസെറ്റ് പിന്‍ GND മയി സംബര്‍ക്കത്തിലാവുകയും മൈക്രോകന്‍ട്രോളര്‍ അതിന്‍റെ പ്രവര്‍ത്തനങ്ങളല്ലാം ആദ്യം മുതല്‍ ആരംഭിക്കുകയും ചെയ്യുന്നു.

പവര്‍ സൂചിപ്പിക്കാനുള്ള LED (Power LED Indicator)

നിങ്ങളുടെ സർക്യൂട്ട് ബോർഡിൽ “UNO” എന്നതിന് ചുവടെയുള്ളതും “ON” എന്ന വാക്കിനുള്ളിൽ ചെറിയ ഒരു LED ഉണ്ട് (11). നിങ്ങളുടെ ആർഡ്വിനോ ഒരു പവർ സ്രോതസ്സിലേക്ക് പ്ലഗിൻ ചെയ്യുമ്പോഴെല്ലാം ഈ എൽഇഡി പ്രകാശിതമാകും. ഈ വെളിച്ചം വന്നില്ലെങ്കില്‍, സര്‍ക്ക്യുട്ടില്‍ അല്ലെങ്കില്‍ ബോര്‍ഡില്‍ എന്തെങ്കിലും തെറ്റുണ്ടന്ന് മനസ്സിലാക്കാം.

TX RX എല്‍ എ ഡികള്‍ (TX RX LEDs)

ട്രാന്‍സ്മിറ്റ്‌ (Transmit)ന്‍റെ ചുരുക്കമാണ് TX, അതുപോലെ റിസീവ് (Receive) ന്‍റെ ചുരുക്കമാണ് RX സീരിയല്‍ കമ്മ്യൂണിക്കെഷനെ (സീരിയൽ ആശയവിനിമയത്തിനുള്ള) സൂചിപ്പിക്കാന്‍ വേണ്ടി മാത്രമാണ് ഇലക്ട്രോണിക്സിൽ ഈ സൂചനകള്‍ ഉപയോഗിക്കാറുള്ളൂ. ആർഡ്വിനോ UNO- യിൽ രണ്ട് സ്ഥലങ്ങളില്‍ TX, RX എന്നിവ ദൃശ്യമാകും – ഒന്ന് ഡിജിറ്റൽ പിൻകളും 0 ഉം 1 ഉം, TX, RX ഇൻഡിക്കേറ്റർ LED- കൾ (12) എന്നിവയ്ക്കു തൊട്ടു പിന്നിലായി. സീരിയൽ ആശയവിനിമയം നടക്കുമ്പോള്‍ LED കള്‍ പ്രകാശിതമാകുന്നത് വഴി അത് സംബവിക്കുന്നതായി മനസ്സിലാക്കാം.

പ്രധാന IC (Main Microcontroller)

അറ്റ്‌മല്‍ കമ്പനിയുടെ അറ്റ്‌മെഗാ328p എന്ന മൈക്രോകന്‍ട്രോളറാണ് ആർഡ്വിനോ യുടെ മസ്തിഷ്കമായി പ്രവര്‍ത്തിക്കുന്നത്. ശ്രദ്ധിക്കുക: അറ്റ്‌മെഗാ 328p ഉം അറ്റ്‌മെഗാ 328 ഉം വ്യത്യസ്ത തരം മൈക്രോകന്‍ട്രോളറുകളാണ്. ഐസിയുടെ മുകളിലായി അവയുടെ പേരുകള്‍ കാണാം. മൈക്രോകന്‍ട്രോളറിലേക്ക് പ്രൊഗ്രാമുകള്‍ കൊടുക്കുനതിനു മുന്‍പ് ആ ഐസിയെ കുറിച്ച് കൂടുതല്‍ അറിയുന്നത് നല്ലതാണ്. അതിനായി ഡാറ്റാ ഷീറ്റുകള്‍ ഉപയോഗപ്പെടുത്താം.

വോൾട്ടേജ് റെഗുലേറ്റർ

വോൾട്ടേജ് റെഗുലേറ്റർ (14) യഥാർത്ഥത്തിൽ നിങ്ങൾക്ക് ആർഡ്വിനോയുമായി ബന്ധപ്പെടാൻ സാധിക്കുന്ന ഒരു കാര്യമല്ല. എന്നാൽ അത് അവിടെയുണ്ടെന്നും അത് എന്തുതന്നെയാണെന്നും അറിഅറിയുന്നത് ഉപയോഗപ്രദമാണ്. വോൾട്ടേജ് റെഗുലേറ്റർ പറയുന്നത് കൃത്യമായി ചെയ്യും – ആർഡ്വിനോ ബോർഡിലേക്ക് പ്രവേശിക്കുന്ന വോൾട്ടേജിന്‍റെ അളവിനെ നിയന്ത്രിക്കുന്നു. സർക്യൂട്ട്നെ നശിപ്പിക്കുന്ന ഒരു അധിക വോൾട്ടേജ് വന്നാല്‍ അതിനെ തടയുകയും ശരിയായ വൈദ്യുതി ആർഡ്വിനോക്ക് നല്‍കുകയും ചെയ്യുന്നു.

ആർഡ്വിനോ ഹാര്‍ഡ്‌വെയറിനെ കുറിച്ചാണ് നമ്മള്‍ ഇതുവരെ  പറഞ്ഞു കൊണ്ടിരുന്നത്. ഇനി അല്പം ആർഡ്വിനോ സോഫ്റ്റ്‌വെയറി കിറിച്ചു പറയാം.


പങ്ക് വെക്കാം

Leave a Reply

Your email address will not be published. Required fields are marked *